كل سنه وانت طيب

حمص
اسمح لى اسبقك وقولك كل سنه وانت طيب...طبعا انت عارف المناسبه ..بس الناس ماتعرفش
النهارده من كام سنه...كان كتب كتابى انا وحمص....ههههههههه ..فاكره كويس كنت لابسه ايه...وفاكره كمان حمص كان لابس ايه..كنت لابسه تايير امور بموت فيه لونه ازرق وحمص كان لابس بليزر جاكت كحلى وبنطلون رمادى...ياه ياحمص...كانه والله امبارح...وبعد ماتكتب الكتاب فى الحسين عزمتنى بالليل على العشا فى باخره نيليه ..كان فيها رقاصه تخينه اوى ياحمص هههههههههههههههههههههههه..واجانب مهيصين...مش معانا طبعا مع الرقاصه...حتى انا فاكره بدلة الرقص بتاعتها كان لونها احمر وكانت ..ههههه خلاص بقى كفايه احنا حنتكلم عن الرقاصه ...
المهم فاكره كويس لما مامتك ذلتنا ههههههههههههههههههههههههههههههههههههههههههه معلش ياحمص ده تاريخ تاريخ يعنى لازم يتحكى بامانه....مانا لسه حاقول انها برضه كان لها دور كبير مانا جايه اهو فى التفاصيل ماتبقاش كده
احنا روحنا واحنا مخطوبين اتحايلنا على طنط انها تقنع بابا الله يرحمه يوافق على كتب الكتاب...المهم بصراحة طنط مرطت نفسنا...تسمح بقى يااستاذ تقولى هى عملت كده ليه؟؟ ههههههههههههه لا معلش انا بقى كنت مستنيه علشان اسالك...طب معلش بقى طلقنى ههههههههههههههههههههههههههههههه
المهم فين وفين طنط وافقت تكلم بابا واخدناها فى العربيه فى ساعتها وطلعنا على بابا وبصراحه هو مارفضش طلبها...ووافق....وكان كتب الكتاب زى النهارده من ......سنه.....عقبال مانحتفل بيه بعد مليون سنه ياحبيبى
حمص....علشان قلبى يصفى قوم اتصل بطنط اسالها هى ليه تعبتنا على ماوافقت.تنزل معانا تروح لبابا وفضلت تقول طب لما انشر طب لما اخد الدوا.......لما اكلم اختى......هههههههههههههه....بس احنا مين...فضلنا وراها....